এইচ আই ভি সংক্ৰমণ আৰু এইডচ্ৰ সৈতে জীয়াই থকা ব্যক্তিসকলৰো একেই মৌলিক অধিকাৰ আৰু দায়িত্ব থকা উচিত যিসমূহ দেশৰ সকলো নাগৰিকৰ কাৰণে প্ৰযোজ্য।

স্বতন্ত্ৰতা, স্বায়ত্বতা, ব্যক্তি নিৰাপত্তা আৰু চলাফুৰাৰ স্বাধীনতা:

এইচ আই ভি পৰীক্ষণ

(ক) কেতিয়া এজন ব্যক্তিক এইচ আই ভি ৰ কাৰণে পৰীক্ষণ কৰিব পাৰি

(খ) জ্ঞাত সন্মতি, পূৰ্বৱৰ্তী আৰু পৰৱত্তী এইচ আই ভি পৰীক্ষা পৰামৰ্শ।

(গ) সঘনাই কৰি থকা প্ৰশ্নসমূহ

এইচ আই ভি পৰীক্ষা কৰাৰ আগত এজন ব্যক্তিয়ে এখন লিখিত সন্মতি পত্ৰত চহী কৰিবই লাগে নেকি ?

আইন অনুসৰি, এজন ব্যক্তিয়ে এইচ আই ভি পৰীক্ষাৰ বাবে মৌখিকভাৱেও সন্মতি দিব পাৰে। এইটো যি কি নহওক লিখিত প্ৰমাণ প্ৰাপ্ত কৰিবলৈ পৰামৰ্শ দিয়া হয় যাতে ব্যক্তিজনে পূৰ্ব-পৰীক্ষা পৰামৰ্শ লৈ আছে আৰু তেওঁলোক এইচ আই ভি পৰীক্ষা কৰিবৰ কাৰণে সন্মত হৈছে।

কোনো চিকিৎসালয়ে এজন ৰোগীৰ এইচ আই ভি ৰ কাৰণে তেওঁ/তাইৰ সন্মতি অবিহনে পৰীক্ষা কৰিব পাৰে নেকি ?

নোৱাৰে। যদি এজন ব্যক্তি চিকিৎসাৰ কাৰণে হস্পিতেললৈ যায়, তেতিয়াও তেওঁ/তাই সকলো চিকিৎসা আৰু পৰীক্ষণ প্ৰক্ৰিয়া (এইচ আই ভি পৰীক্ষা সহ) ৰ কাৰণে সম্নতি দিব লাগিব। এখন চিকিৎসালয়লৈ যাওঁতে কোনো ব্যক্তিয়ে তেওঁলোকৰ গোপনীয়তা আৰু নিৰাপত্তাৰ অধিকাৰ ত্যাগ নকৰে। তেওঁলোকে তেওঁলোকৰ নিজৰ শৰীৰটোক নিয়ন্ত্ৰণ কৰাৰ অধিকাৰো ধৰি ৰাখে। সঠিক পূৰ্ব পৰীক্ষণ পৰামৰ্শ আৰু ৰোগী জনৰ পৰা সম্নতি অবিহনে চিকিৎসালয়ত এইচ আই ভি পৰীক্ষণ কৰিব নোৱাৰি।

যদি কোনো হস্পিতেলত লগোৱা প্ৰাচীৰ পত্ৰ বা প্ৰচাৰ পত্ৰিকাই কয় যে তেওঁলোকে সকলো ৰোগীৰ ওপৰত এইচ আই ভি পৰীক্ষণ কৰে, তেতিয়া ইয়াৰ অৰ্থ এইটো নেকি যে সকলো ৰোগীয়ে স্বয়ংক্ৰিয়ভাৱে পৰীক্ষাৰ কাৰণে সন্মতি দি দিয়ে?

প্ৰাচীৰ পত্ৰ আৰু প্ৰচাৰ পত্ৰিকাই এখন হস্পিতেলে সকলো ৰোগীৰ ওপৰত এইচ আই ভি পৰীক্ষণ কৰি আছে বুলি কৈ থকাটো সন্মতি নহয় কাৰণ:

কোনো ব্যক্তিয়ে প্ৰাক এইচ আই ভি পৰীক্ষা পৰামৰ্শ ( আৰু এইচ আই ভি পৰীক্ষণ) প্ৰত্যাখ্যান কৰিব পাৰে নেকি ?

হয় পাৰে। এইটো এজন ব্যক্তিৰ এই সেৱাসমূহ প্ৰত্যাখ্যান কৰাৰ অধিকাৰ আছে আৰু পৰামৰ্শদাতাই ব্যক্তিগত পৰামৰ্শৰ পিছত এই সেৱাসমূহ প্ৰত্যাখ্যান কৰাৰ কাৰণে এজন ব্যক্তিৰ সিদ্ধান্তক গ্ৰহণ কৰিব লাগিব। যি কি নহওক , পৰামৰ্শদাতাই এইটো জানিবৰ কাৰণে চেষ্টা কৰিব লাগিব যে কিয় মানুহজনে প্ৰাক এইচ আই ভি পৰীক্ষা পৰামৰ্শ (উদাহৰণ স্বৰূপে) ল`বলৈ প্ৰত্যাখ্যান কৰিলে আৰু যদি সম্ভৱ হয় তেতিয়া ৰোগীজনৰ পূৰ্বধাৰণা সংশোধন কৰিবলৈ চেষ্টা কৰিব লাগিব। (কিছু লোকে পৰামৰ্শ ল`বলৈ মানা কৰে অযোগ্য বা সহানুভূতি হীন পৰামৰ্শদাতাৰ লগত হোৱা আঘাতদায়ক বা নেতিবাচক অভিজ্ঞতাৰ কাৰণবশতঃ)। যি নহওক, বেছিভাগ ক্লায়েণ্টে, পূৰ্ব আৰু পৰৱৰ্ত্তী এইচ আই ভি পৰীক্ষা পৰামৰ্শক এটা সহায়কাৰী অভিজ্ঞতাৰ ৰূপত পায়।

জ্ঞাত সন্মতিৰ নিয়মত কোনো ব্যতিক্ৰম আছে নেকি

এই নিয়মৰ একমাত্ৰ ব্যতিক্ৰম হ`ল যে কোনো ব্যক্তিয়ে কোনো চিকিৎসা, পৰীক্ষা বা অষ্ট্ৰোপচাৰৰ কাৰণে সন্মতি দিব লাগে য`ত প্ৰকৃত জৰুৰী অৱস্থা জড়িত থাকে বা য`ত প্ৰমাণিত মানসিক ভাৱে অসুস্থ ৰোগী সমূহৰ চিকিৎসা কৰা হয়। যদি এজন ৰোগীক আপাৎকালীন চিকিৎসাৰ আৱশ্যক হয় কিন্তু চিকিৎসাৰ বিষয়ে জ্ঞাত নহয়( অজ্ঞানতাৰ ক্ষেত্ৰত হ`ব লগা হিছাবে) তেতিয়া চিকিৎসক বা হস্পিতেলৰ যাৱতীয় চিকিৎসা কৰাৰ আগতে সন্মতি লোৱাৰ প্ৰয়োজন নাই, যিয়ে ৰোগীজনৰ জীৱন ৰক্ষা কৰিব। তথপিও এইটো সন্দিগ্ধ যে আপাৎকালীন চিকিৎসাৰ আগত সদায়ে এইচ আই ভি পৰীক্ষা প্ৰয়োজন হ`ব পাৰে নেকি।

মানকিক ভাৱে অসুস্থ ৰোগীৰ চিকিৎসা বা পৰীক্ষণৰ সন্মতি ব্যক্তিজনৰ নিৰীক্ষক, পতি বা পত্নী, পিতৃ-মাতৃ, সন্তান (যদি সন্তানৰ পয়স ২১ বছৰ বা তাতকৈ বেছি) বা সহোদৰৰ পৰা লাভ কৰিব লাগে। যদি ৰোগী জন কোনো মানসিক প্ৰতিষ্ঠানত থাকে আৰু ওপৰত উল্লেখ কৰা এজন ব্যক্তিকো বিছাৰি পোৱা নাযায় তেতিয়া গুৰুতৰ অৱস্থাত ৰোগীজনৰ তৰফৰ পৰা চিকিৎসা অধীক্ষকে সন্মতি দিব পাৰে। যি কি নহওক, ৰোগীজনক অকল এইচ আই ভি ৰ কাৰণে পৰীক্ষা কৰিব পাৰিব যদি এই তথ্য তেওঁ/তাইৰ চিকিৎসাৰ কাৰণে মহত্বপূৰ্ণ হয়। অন্য কোনো ক্ষেত্ৰত, এই ধৰণৰ সন্মতি বৈষম্যমূলক হিছাবে বিবেচিত হ`ব।

সংগোপনীয়তা আৰু গোপনীয়তা

(ক) সঘনাই কৰি থকা প্ৰশ্নসমূহ:

চিকিৎসকলে তেওঁলোকৰ ৰোগীসমূহৰ ৰোগ পৰীক্ষা নাৰ্চিং ষ্টাফৰ পৰা গোপনে ৰাখিব পাৰেনে ?

এজন স্বাস্থ্যসেৱা কৰ্মীয়ে এজন ৰোগীৰ এইচ আই ভি স্থিতি আন এজন স্বাস্থ্যকৰ্মীৰ আগত ৰোগীজনৰ সন্মতিৰ সৈতেহে ব্যক্ত কৰিব পাৰে।যদি স্বাস্থ্য সেৱা কৰ্মীজনে ৰোগীজনক ৰোগীৰ এইচ আই ভি স্থিতি আন স্বাস্থ্য কৰ্মীসকলো জনাটো কিয় গুৰুত্বপূৰ্ণ সেইটো ব্যাখ্যা কৰে,তেতিয়া বহুভাগ ৰোগীয়েই এই তথ্য প্ৰকাশ কৰিবলৈ সন্মতি দিয়ে।

উদাহৰণ স্বৰূপে, নাৰ্চ সকলে, বিশেষ চিকিৎসা প্ৰদান কৰিবৰ কাৰণে ৰোগীজনৰ এইচ আই ভি স্থিতি জনাটো প্ৰয়োজনীয়। তথাপিও যদি এজন ৰোগীয়ে এনেকুৱা ধৰণৰ তথ্য আন স্বাস্থ্যসেৱা কৰ্মীসকলক দিয়াটো প্ৰত্যাখ্যান কৰে চিকিৎসজনে এই সিদ্ধান্তটোক সন্মান জনাব লাগে। এই ক্ষেত্ৰত ৰোগীজনক সাৱধান কৰি দিয়া উচিত যে অন্য স্বাস্থ্যসেৱা কৰ্মী সকলৰ পৰা ৰোগ নিদান গোপনে ৰখাৰ ফলত ৰোগীজনে উপযুক্ত চিকিৎসা আৰু খুব ভাল ফলাফল নাপাব পাৰে আৰু সেইটোৱে আনকি ৰোগীজনৰ জীৱন বিপদাপন্ন কৰিব পাৰে।

যদি এজন এইচ আই ভি পজিটিভ ক্লায়েণ্টে সংক্ৰমণৰ বিষয়ে তেওঁৰ সংগীক ক`বলৈ মানা কৰে আৰু যৌন সংগীক সুৰক্ষা কৰিবলৈ মানা কৰে, তেতিয়া স্বাস্থ্যসেৱা কৰ্মীজনে ক্লায়েণ্টজনৰ এইচ আই ভি পজিটিভ স্থিতি তেওঁৰ সংগীজনৰ আগত ব্যক্ত কৰিব পাৰে নেকি?

সকলো সময়তে ক্লায়েণ্টৰ সংগোপনীয়তা আৰু গোপনীয়তাৰ অধিকাৰক সন্মান জনোৱাটো উচিত। যি কোনো পৰিস্থিতিয়েই নহওক কিয় কোনো ক্লায়েণ্টৰ এইচ আই ভি স্থিতি ক্লায়েণ্ট জনৰ অনুমতি অবিহনে (বিশেষকৈ লিখিতভাৱে) কাৰো আগত ব্যক্ত কৰিব নোৱাৰিব। সেইবাবে স্বাস্থ্যসেৱা কৰ্মী বা পৰামৰ্শদাতাজনে কোনো ক্লায়েণ্টৰ এইচ আই ভি পজিটিভ স্থিতি তেওঁ বা তাইৰ যৌন সংগী/সংগীক ব্যক্ত নকৰে।

পৰামৰ্শদাতাজনে অৱশ্যে ক্লায়েণ্টজনক তেওঁ বা তাইৰ স্থিতিটো যৌন সংগীজনক ব্যক্ত কৰিবলৈ আৰু কন্ডম ব্যৱহাৰ কৰিবলৈ সৈমান কৰাৰ চেষ্টা কৰিব পাৰে। এইটো পৰামৰ্শদাতাৰ দায়িত্ব নহয় যে তেওঁ এই বিষয়ে ব্যক্ত কৰিব, এইটো ক্লায়েণ্টজনৰহে দায়িত্ব। যদি কোনো পৰামৰ্শদাতাই ব্যক্ত কৰাৰ সিদ্ধান্ত কৰে, তেতিয়া তেওঁ বা তাই সিন্ধান্তটোৰ কাৰণে সম্পূৰ্ণ দায়িত্ব স্বীকাৰ কৰাৰ লগে লগে সম্ভৱতঃ আইনী পৰিণাম স্বীকাৰ কৰিবলৈ প্ৰস্তত থাকিব লাগিব।

স্বাস্থ্য আৰু সমৰ্থন সেৱাসমূহ, সাৰ্বজনিক লাভ, চিকিৎসা আঁচনি আৰু বীমা

এইচ আই ভি আৰু এইডচ্ৰ ওপৰত শিক্ষা

প্ৰচাৰ মাধ্যমৰ দায়িত্ব সমূহ

নিৰাপদ যৌন সম্পৰ্কৰ অধিকাৰ

কাৰাবন্দী সকলৰ অধিকাৰ

এইচ আই ভি বা এইডচ্ আক্ৰান্ত ব্যক্তিসকলৰ কৰ্তব্য